Zothlifim Logo
Loading ...

Hri kai belh awm lo
Nimin khan Serchhip District-ah Covid-19 hri kai hmuh chhuah belh an awm lova, hri kai enkawl dam an awm lo bawk a, tun dinhmunah Serchhip District-a hri kai hmuh chhuah tawh zawng zawng chu 14,009 niin, enkawl dam tawh zawng zawng hi mi 13973 an ni a, tun dinhmunah District chhungah hri kai enkawl lai mi 1 a la awm mek a, thihpui hi mi 35 an awm tawh a ni.

Mibo
Nimin khan Lalremruata (Arama), P&E Veng chu Zawlpui phai (Tuichar)-a MGNREGS hnuaia hna an thawhnaah chhun chaw fak zawha Tumbu veh tura a chhuak chu a kir tak loh avangin nimin tlai aṭang khan mi tlawmngaiten a zawn hna an thawk nghal a, nizana he thu buatsaihlai thleng hian hmuh a la ni lo a, nizan khan mi ṭhenkhat chuan a bo ṭanna hmun bawrah hian an riahchilh a, vawiinah zawn chhunzawm leh a ni ang.

MPSC Chairman thar
Mizoram Public Service Commission Chairman thar atan JC Ramthanga IAS retd chu ruat a ni a, MPSC Chairman thar atana ruatna order hi nimin khan Mizoram sawrkar Dept of Personnel & Administrative Reforms (DP&AR) chuan a tichhuak a ni.

NHIDCL-in CM kâwm
NHIDCL Managing Director Chanchal Kumar leh a thawhpuite chuan nimin tlai khan Chief Minister Zoramthanga chu a pisa-ah kawmin, NHIDCL-in Mizorama an thawh kal meka an hmalakna tiṭhuanawptu tlem an tawhte CM hnenah hian thlenin, a theih anga state sawrkarin sutkian sak turin an ngen a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117