Hri kai enkawl mek pakhat la awm
Nimin khan Serchhip District-ah Covid-19 hri kai hmuhchhuah belh an awm lo a, tun dinhmunah hri kai enkawl lai pakhat awm mekin, Serchhip District-ah hri kai hmuh chhuah tawh zawng zawng chu 14,010 aṭangin mi mi 13974 enkawl dam an ni tawh a, thihpui hi mi 35 an awm a ni.
Hawng
Health Minister Dr R. Lalthangliana chuan nimin khan Lungleiah H&FW Department kaihhnawih hmasawnna ruhrel hrang hrang – Chief Medical Officer Office Building, Trauma Care Facilities leh Type III Quarter panga (5 Units) a hawng. Trauma Care Facilities cheng nuai 381 (State Govt – cheng nuai 300, sawrkar laipui Ministry of H&FW – cheng nuai 81) senga sak niin, Chief Medical Officer Office Building hi Chanmari ah awmin state sawrkar sum cheng nuai 250.8 senga ruahman a ni a, Type III Quarter panga (5 Units) te hi state sawrkar sum cheng nuai 178.65 senga sak a ni.
State Executive Meeting nei
Nimin khan Sports & Youth Services Conference hall ah Mizoram Bharat Scouts & Guides Executive meeting neih niin, State Commissioner leh Asst. State Commissioner thar lakluhna hun neih a ni. State Commissioner (Scout) atan Dr.H.Lalthlangliana Director, School Education Department chu Joseph H.Lalramsanga, SCC chuan a lalut a. Asst. State Commissioner (Scout) atan Lalthanzama Addl. Director, School Education Department chu lakluh a ni bawk.