Zothlifim Logo
Loading ...

Liverpool chuan Scottish right-back kum 18 mi, Calvin Ramsay chu £4.2m-a Aberdeen aṭanga lalutin, kum 5 daih contract an ziakpui.

An indawrnaah hian Scotland Under-21 player manah hian add-ons £2.5m dah tel a nih bakah sell-on clause 17.5% telh a ni bawk.

Liverpool hian Ramsay hi loan-a chhuahtir tuma ruahmanna a awm lova, pre-season-a Jurgen Klopp first team a zawm nghal dawn a ni.

Ramsay hian season liam ta khan Aberdeen tan match 33 a inlan a, goal khat khungin, assist 9 a nei a, April thla khan Scottish Football Writers Association chuan young player of the year-ah an thlang nghe nghe a ni.

Ramsay chuan player naupang zawkte hmasawn dan a enin, Trent Alexander-Arnold leh Harvey Elliott-te hmasawnna hmuh ur a awm chu Reds a zawm chhan pakhat a nih thu a sawi a ni.