Mara Autonomous District Council (MADC) Chief Executive Member H.Malvina fiahna, vote of confidence chu nimin khan MADC Session hall-ah neih niin, Malvina chuan fiahna a paltlang.
CEM fiahna hi MADC Chairman N.Viakhu chuan kaihruaiin Malvina kaihruai sawrkar fiah a nih dawn avangin eptu lam aṭangin sawrkar rinna an nghah loh thu M.Laikaw, eptu leader leh K.Hrahmo-ten sawiin, ruling lam aṭangin HC Lalmalsawma Zasai leh H.Hrangchuanga-ten sawrkar an thlawpna thu an sawi bawk a, Malvina chuan house-ah a kaihruai sawrkar chu mipui sawrkar dik tak a nih tur thu sawiin, thlawp turin member te a sawm hnuah ban phar a fiahna hun hman zui nghal a ni.
He hunah hian sawrkar thlawp zawngin member 12-in an vote a, a thlawp lo zawngin member 12-ten an vote bawk a, CCB Rules-in thuneihna a pek angin Chairman N.Viakhu chuan casting hmangin H.Malvina sawrkarna chu a thlawp thu leh hnehna a chan thu a puang zui a ni.