Skip to content
Home » Chanchinthar » Vawk suattute zângnadawmna dil pawmpui

Vawk suattute zângnadawmna dil pawmpui

Aizawl District District Level Coordination Committee on African Swine Fever (ASF) chuan vawk hri, ASF a lên ṭum khatnaa an vawk suattu Aizawl District chhunga mite’n zângnadawmna an dil chu a pawmpui.

He Committee hi nimin khan an Chairman Aizawl DC, Dr. Lalhriatzuali Ralte hovin an ṭhukhawm a, hetah hian ASF vanga an vawk suattu, sawrkar laipui leh Mizoram sawrkar aṭanga zângnadawmna hmu turte list chu enho a ni a, Chairman chuan vawk suattuten zângnadawmna an dawng tur chu a lawmpui thu sawiin he list hi fimkhur tak leh uluk tak a endik a nih hnuah committee chuan a pawmpui tih a sawi a, he vawk hri hlauhawm tak darh zel tur vân nana mahni chânna tur pawh pawi ti lo a phal taka mahni vawk vulh lai suattirtute chungah lawmthu a sawi a, tunah hian ASF hri thawh hnihna a leng leh mek a, he hrileng hi dan chah a nih theih nan mi tin an pawimawh vek thu a sawi a ni.

Aizawl District chhung-ah zângnadawmna dawng tur khaw 27-ah chhungkaw 1,069 an awm a, heng mite tan hian ₹4,00,68,200/- sem chhuah a ni ang.

Leave a Reply

This site uses Akismet to reduce spam. Learn how your comment data is processed.