Zothlifim Logo
Loading ...

July ni 1 – 17, 2022 chhunga Netherlands leh Spain rama khelh tur, FIH Women’s Hockey World Cup-ah India an khel dawn a, India team-ah hian Mizo nula Remsiami pawh a tel.

India team hi goalkeeper Savita Punia chuan captain niin a ho ang. Defender Deep Grace Ekka chu India vice captain a ni thung ang.

India hi World Cup-ah hian Pool B-ah awmin England, New Zealand leh China te nen an awm ho a, July ni 3 hian an game hmasa ber chu England nen an khel dawn a, India hian Olympic Games-ah khan bronze medal inchuhin England hi an lo khel tawh a, a vanduai zawkah ṭangin an hneh lo a ni.

India captain Rani Rampal chu Tokyo Olympic hnuah a inhliam avangin a inkhel thei lo reng a, FIH Pro League-ah rawn khel zawkin a inhliam nawn leh a, World Cup a khel thei dawn lo a ni.

India team forward-ah hian Remsiami bakah Vandana Katariya, Navneet Kaur leh Sharmila Devi te an tel a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117