Chelsea chuan England forward Raheem Sterling chu Manchester City aṭangin £50m-in an la fel ta a, Sterling hian Stamford Bridge-ah hian kum 5 daih contract a ziak a ni.
Sterling hi Todd Boehly consotium-in Chelsea an lei hnua manager Thomas Tuchel player lakluh hmasak ber a ni a, Inrinni-a Chelsea-in United States-a pre-season tour an neih turah pawh squad-ah a tel nghal rin a ni.
Kum 27 mi, Sterling hian kum 2015 khan Liverpool aṭangin £49m-in City hi a zawm a, game 339 a khelhah goal 131 a thun hman a, Premier League title 4 a chawi hman a, England tan match 77 a khel tawh bawk a ni.