BJP National Executive Meeting July 2 & 3, 2022-a Hyderabad-a neiha tel BJP Mizoram State BJP President Vanlalhmuaka’n Mara Autonomous District Council (MADC) Election report a pek chuan BJP National President leh Prime Minister-ten an ngaihven hle niin BJP Mizoram thuchhuah chuan a tarlang.
Mara Autonomous District Council (MADC) Election ni 5 May, 2022-a neih zawh tak report pe tura tih a nih angin Vanlalhmuaka hian report a pe a, MNF leh Congress an thawhdun mai bakah, MNF leh Congress-ten BJP an beihrawn dan leh sawrkarna an siam dante report a pek chuan sawi zui a hlawh hle, niin BJP thuchhuak chuan a tarlang.
Vanlalhmuaka report pekah BJP National President JP Nadda chuan MADC Election-a Hmuaka leh a hote chet dan chu lawmawm a tih thu leh, party mala BJP-in seat an la hnem ber thei chu fakin, kum 2023 MLA-ah chuan Mizoramah BJP sawrkartir ngei tura hmalak a nih tur thu JP Nadda, BJP National President chuan a sawi a ni, an ti.
Telangana khawpui Hyderabad hmuna BJP National Executive Meeting ni 2 awha a telnaah, Vanlalhmuaka chuan PM Schemes/ National Schemes hrang hrang Mizoram state sawrkarin an kalpui dan report pe-in, state rulling party-in party hamṭhatna atana an hman ṭhin thu leh a nih tur anga kalpui a nih loh dante a sawi a. Mizoram chhunga Ministry of Road Transport hnuaia NHIDCL hnathawh dan te, Railway hnathawh dante leh PMGSY kalpui dante pawh report a pe a ni.
National Executive Meeting-a Hmuaka report pek hian BJP National President beng a verh hle a, ngaihthah chi a nih loh thu Central BJP hruaitute hian an sawi, niin BJP thuchhuak chuan a tarlang bawk.