Maharashtra Maha Vikas Aghadi (MVA) sawrkar khaidingtu Shiv Sena MLA zinga helten an hruaitu atana an thlan Eknath Shinde chu nizan dar 7:30 khan chief minister thar atan lakluh a ni a, chief minister ni mek leh Shiv Sena dintu Bal Thackeray fapa Uddhav Thackeray sawrkar an paihthla a ni.
Maharashtra sawrkar thar a pian tur thu hi BJP leader Devendra Fadnavis leh Shinde ten Governor Bhagat Singh Koshyari an hmuh hnuah BJP hruaitu hian media mite a hrilh a, sawrkar thar din a nih dawn thu puan hnu lawkah Shinde thlawptu Sena MLA te chu Goa-a hotel pakhatah lawmin an lam niin media te chuan an tarlang.
Thla 31-a upa MVA sawrkar, Shiv Sena, NCP leh Congress siam chu term laklawhah a tawp leh hrih a ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117