Chelsea chuan England winger Raheem Sterling man tur chungchangah Manchester City chu inremna an neihpui tawh.
Sterling man hi £50m hû niin, hetah hian add-ons a tel a, Sterling hian Stamford Bridge-ah kum 5 daih contract a ziak ang a, kum khat dang pawhsei leh theihna a nei dawn a, an indawrna chingfel tur hian Sterling hian medical a neih a la ngai dawn a ni.
Kum 27 mi, Sterling hian Manchester Ciy-ah kum khat daih contract a la nei a, amah ngaihventu club lian engemawzat zingah Chelsea hi a thlang ta a ni.
City hian kum 2015 khan Liverpool aṭangin £49m-in an lalût a, City tan hian game 339 khel hmanin, goal 131 a hun a, England tan match 77 a khel tawh bawk a, Chelsea-in an lalut a nih chuan, kumin nipuia Todd Boehly consotium-in Chelsea an lei hnua player langsar an lakluh hmasak ber a ni dawn a ni.
Tunkar hian Chelsea hian United States-ah pre-season tour neiin an chhuak dawn a, hemi hma hian Sterling chungchanga indawrna hi zawhfel hman beisei a ni.