Zothlifim Logo
Loading ...

Nimin aṭang khan FIH Women’s Hockey World Cup 2022 chu khelh ṭan a ni a, tun thla ni 17-ah final khelh a ni ang.

Tun ṭum hmeichhe world cup hi Spain rama Terrassa khuaah leh Netherlands rama Amstelveen-ten an inthlen ṭawm a, hmeichhe World Cup vawi 15-na a ni a, Team 16 telin Group A,B,C&D-ah inṭhenin, vawi khat ṭheuh an inkhel kual ang a, pool winner-te chu quar ter-final an lut ang. Pahnihna ṭheuhte chuan play-off an khel leh ang a, a chakin quarter-final an khel leh ang.

India ram tana goal 27 khung tawh Lalremsiami chu tun ṭum World Cup-ah hian khel tura thlan niin India hmatawng player pathum zinga pakhat a ni. India hi Pool B-ah awmin China, England leh New Zealandte nen an awm ho a, tun Pathianni zan dar 8 hian England nen an inkhel ang a, July 5-ah zan dar 8-ah tho China nen an inkhelh hnuah an game tawpna July 7-ah New Zealand nen zan dar 8 ah bawk an khel leh ang.