Auto-rickshaw-a Fare Meter vuah tura tih chu Mizoram sawrkar chuan thu leh awm hma atan a titawp lailawk rih.
Chairman, State Transport Authority, Mizoram chuan hemi chungchangah hian thuchhuah siamin, mipuiten’n sawrkar rate anga Auto-Rickshaw Mizoram puma an hman theihna atan Mizoram sawrkarin Auto-Rickshaw zawng zawngah Fare Meter vuah turin July ni 7, 2022 khan thupek a tichhuak a, vuah fel vek tura hun tiam hi thla ruk chhung a ni.
Hetihlai hian Fare Meter zuartute lamin sawrkar atangin phalna an la nei fel hman loh bakah Fare Meter test-na tur hi Legal Metrology lamin Test Bench an la neih rih loh bawk avangin Auto-Rickshaw-a Fare Meter vuah tura thuchhuah chu tun atanga thu leh awm hma atan tihtawp lailawk rih a nih thu a tarlang.