Nimin khan Chief Minister Zoramthanga hovin Council of Minister ṭhu-khawm chuan The Mizo-ram Liquor (Prohibition) Draft Rules, 2022 ngaih-tuahin, zu zawrh khapna dan chu khawng taka kalpui zel a rel a, Mizoram chhunga kuthnathawktute grape thar aṭanga dân hnuaia wine siam leh hralh erawh a phalsak a ni.
An thurel dang zingah Samagra Shiksha hnuaia zirtirtu mi 5000 dawn hun rei tak hlawh pung miahlo a thawk chu an dinhmum siamṭhat sak nan Cabinet meeting chuan DA zaa 15 leh Medical Allowance bakah an thawh rei dan a zirin allowance pek remtih a ni a, Department hrang hranga Contract Employee-te hnenah zaa 10 Dearness Allowance pek a remti bawk.
Cabinet meeting chuan infiammi, ram chhung leh ram pawn inelnaa hlawh-tlinna changte tana Mizoram Sports Incentive Cash Award Scheme 2022 chu a pawm a, ramri luhkhaa Immigration check post din turaah Zokhawthar, Kawr-puichhuah leh Zorinpui Immigration Check Post-ah Mizoram Police tan post 20 siam belh remtih a ni.
Home Department hnuaiah vek hian Head Constable (Operator) post 34 chu MPRO, Mizoram Police hnuaia Assistant Sub Inspector (Operator) a hlankai a remti a.
Planning & Programme Implementation Department Mizoram Startup Mission (Government Society) din rawtna pawm a ni a, sawrkar laipuiin District Rural Development Agencies (DRDA) titawp tura thu a chhuah hnuin district tina DRDA-te chu District Rural Development Office (DRDO)-a leh a, Project Director (PD) 11-te chu MCS JAG level post-a lakluh lakluh a remti a, heng bakah hian Health & Family Welfare Department, Home Department, Finance, Revenue, UD&PA leh FCS&CA department atanga rawtna lutte pawh pawm a ni.