Hri kai hmuh thar 6
Nimin khan Serchhip District-ah Covid-19 hri kai hmuh belh mi 6 an awm a, nimina hmuh belhte hi N.Vanlaiphaiah 2, Serchhip Tuikhuah Veng leh IOC Veng bakah, E.Lungdar leh Thenzawlahte pakhat ṭheuh hmuh belh an ni a, hetihlai hian nimin khan hri kai enkawl dam 2 an awm a, heti hian Serchhip District-a hri kai hmuhchhuah tawh zawng zawng chu mi 14,484 an tling tawh a, hri kai enkawl dam zawng zawng hi mi 14,428 awm tawhin, enkawl lai mi 21 an awm mek a, thihpui hi mi 35 an awm tawh a ni.
Siaha District-ah SEDP dawng tur mi 3000 thlang
Mizoram sawrkar Flagship Programme SEDP thawh khatna dawng turin Siah District-ah mi 3,000 thlan an ni a, nimin khan Siaha District Level SEDP Comtt. chu DC Mini-conference Room-ah Addl. DC T.Lalruatsanga hovin an ṭhukhawm a, hetah hian State Level SEDP hotute duhdân angin Siaha District-ah SEDP chu karleh Thawhṭanni chawhnu dar 1-ah MYA hall, New Siahaah hawn ni se, tiin an rel a ni.
Endik
Nimin khan Single Use Plastic (SUP) Enforce-ment Squad, Mizoram Pollution Control Board chuan Lêngpui Airport leh Bairabi rêl chawlhhmunte an tlawh a, hman khat daih sarâng khap a nih hnûah he khap na hi zawm a ni em tih an enfiah a, heng hmunahte hian hman khat daih sarang hi an hmang loa, dan an zawm tha hle tih an hmu a. Heng lai hmun te hi ‘Single Use Plastic Free’-ah an lo inpuang tih an zu hmu bawk a ni.