Skip to content
Home » Chanchinthar » Motor khu endikna a hmunah tlawhin enpui

Motor khu endikna a hmunah tlawhin enpui

Transport Department Secretary KT Beicho leh Transport Department hotute leh Mizoram Pollution Control Board hotute chuan tunlaia Aizawl khawchhunga Motor khu teh hna kalpui mek chu a hmunah kalin an enpui.

Hemi chungchanga MPCB-in thuchhuah an siamah, tun dinhmunah Motor khu tehna hi Aizawl khawpuiah hian hmun thum MINECO, Khatla, Bawngkawn Brigade Field kawng leh Zemabawk Field chhakah te kalpui niin mipui lam atanga dawrtu an thahnem thei hle a, thawktute pawh an rim a, theihtawp an chhuah azarah tluang taka kalpui mek zel a ni, a ti a.

Central Motor Vehicle Rules, 1989 in a phut angin motor khu avanga boruak bawlhhlawh tur ven nan motor eng chi pawhin Pollution Under Control Certificate (PUC) hi an nei ngei tur a ni a, he certificate hi thlaruk chhung a dam a. Motor thar chu kum khat chhung test a ngai lo thung a, Motor khu tehna hi Aizawl-ah leh Lunglei-ah chuan kum 2012 atangin kalpui a ni a, nitin kum tluanin Office hun chhung pangngaiah test tir theih reng a ni. Chuvangin eng emaw bika innek buai luai luai lo hian kum tluanin a test tir theih reng tih hria a, hun thawl a tam tih hrethar turin mipui a ngen a ni.

Leave a Reply

This site uses Akismet to reduce spam. Learn how your comment data is processed.