Skip to content
Home » Chanchinthar » Natna inkaichhawn theih loh leh health insurance lama mipuiten hmasawnna an neih theih dan turah inrawnkhawmna nei

Natna inkaichhawn theih loh leh health insurance lama mipuiten hmasawnna an neih theih dan turah inrawnkhawmna nei

Health & Family Welfare Department hnuaia World Bank sum hmanga mipuite hriselna tihchang-tlunna project kalpui mek, Mizoram Health Systems Strengthening Project (MHSSP) thuneituten nimin khan Aijal Club-ah natna inkaichhawn theih loh (Non-Communicable Diseases) leh health insurance chungchanga khawtlangin hma an sawn theih dan tur te, a bik takin mipuiten hemi kawngah engtin nge inzirtir-na leh inhrilhhriatna ṭha an neih thei ang tih duanchhuah nan inrawnkhawmna, StakeHolders’ Consultation meeting an buatsaih.

Inrawnkhawna hi MSHHP Project Director Dr. Eric Zomawia’n kai-hruaiin, project-in mipuite hriselna tihchangtlun kawnga hma lâk a tum dan tlang-puite tarlangin, inrawn-khawmna chuan mipui zirtir leh inhrilhhriat kawngah rah ṭha tak a chhuah ngei a beisei thu a sawi.

Kalkhawmte chu group hrang hrangah inṭhenin Mizoram chhunga natna inkaichhawn theih loh (Non-Communicable Disease) vei zât tihniam thei tura mipuite hnena inzirtirna pêk dan tur kawng leh Health Insurance-a hma an sawn theihna tura thil ṭangkai turte an sawiho a, meeting-ah hian Stakeholders – sawrkar department ṭhenkhat leh pawl hrang hrang 23 aiawhte an tel a ni

Zirchhiana neih tawh aṭanga a la danin Mizorama damlo te natna nei zawng zawng, za zelah 55.5 hi natna inkaichhawn theih loh – cancer, zunthlum, thisen sang, lung natna leh a dang te, Non Communicable Diseases tihte hi a ni a, Mizo-ram Health Care Scheme (MHCS) leh Pradhan Mantri Jan Arogya Yojana (PMJAY) Mizorama kalpui a ni chungin hemi chungchang hrelo mipui hi an la awm nual a ni.

Leave a Reply

This site uses Akismet to reduce spam. Learn how your comment data is processed.