Skip to content
Home » Chanchinthar » Pa khawi dan leh hralh tura sawngbawl dan zirna buatsaih

Pa khawi dan leh hralh tura sawngbawl dan zirna buatsaih

Foods Myco Lab Mizo-ram leh FOCUS Mizoram tangkawpin ni 2 awh MzSRLM SHG Serchhip leh Women Entrepreneur’s te tana Pa khawi dan leh hralh (marketing) tura sawngbawl dan inzirtirna, Training for Marginal Farmers on Mushroom Cultivation Programme kharna hun nimin khan an hmang.

He hun hi Henry Saingura, Founder of Foods Myco Lab, Mizoramin kaih-hruaiin, K.Laltlanmawia District Project Manager, FOCUS & Deputy Director Department of Agriculture chuan khuallian niin a hmanpui a, Serchhipah Foods Myco Lab tha tak leh changtlung tak kalpui a ni ta chu lawmawm a tih thusawiin, Focus Project thiltum leh International Funds for Agriculture Development (IFAD) atanga Fund hmuh a nih dan te, Covid-19 hripui leng avanga hun engemaw chen FOCUS project hrang hrangah hmalak chak theih a nih loh hnuah tun dinhmunah kawng hrang hranga chak taka hmalak chhoh mek a nih thute a sawi a, he Foods Myco Lab-a Pa khawi leh hralh (Marketing) dan zirtu (trainee) zawng zawngte chuan eizawnnatlaka hlawhtling leh hlawk taka zir chhuak turin duhsakna a hlan bawk.

He hunah hian Vikas Walke, Ministry of Skill Devlopment & Entrepreneurship Govt of India pawhin Trainee-te fuihna thu a sawi bawk a ni.

Nimin Training kharna hunah ah hian “Pa khawi dan leh hralh tura sawngbawl dan” chu mithiamten zitirin, zawhna leh chhanna hun hman a nih bakah Pa khawi leh hralh tura sawngbawl dante a tak (Practical) a neihpui an ni bawk.

He Training-ah hian Serchhip District chhung khaw hrang hrang atangin mi 32-ten tha takin an zir zo a ni.

Leave a Reply

This site uses Akismet to reduce spam. Learn how your comment data is processed.