Serchhip Auto Rickshaw Owner’s Association (SAROA) Assembly chuan nakuma kum 25 an tlin champha (Silver Jubilee) lo thleng tur pualin nikhat free service neih an rel.
Inrinnia Bukpui P&E Rest House-a Assembly an neihnaah hian SAROA chuan ni khat free service bakah hian Silver jubilee pualin District Hospital ah thisen pek turin an rel a, a hun hi chu an la rel chawp leh dawn a, hei bakah hian khawtlangah khuarel chhiatna tawk, khawtlang buaipui ngai an awmin SAROA hminga luan-chhuah ve thin ni rawh se, an ti bawk.
Assembly-ah hian kum 2022 – 2023 chhunga an hruaitu turte an thlang nghal a, President-ah Malsawm-tluanga; Vice-President-ah H.Lalsawimawia; Secretary-ah Lallawmsiama; Asst. Secretary-ah Romal-sawma; Treasurer-ah Liansangpuia leh Fin. Secretary-ah Lalbiakmawia-te an thlang a ni.