Zothlifim Logo
Loading ...

Tunlaia Serchhip bakah Mizoram hmun hrang hranga ruihhlo (Heroin) hluar mekah ṭhalai naupang zawk ruihhlo la ti ngai loten ruihhlo an tih lohna atana Serchhip Ṭhalai Pawl-in Serchhip town chhunga High School chin chung lam zirlaite hnena Drugs Awareness Campaign a kalpui mekah nimin khan Millennium High School, Chhiahtlangah Awareness Campaign an nei chhunzawm leh.

Nimina Drugs Awareness Campaign, an president T.Biakchamliana kaihhruaiah hian Resource Person Laldinpuia chuan zirlaite hnenah hian ruihhlo ṭhat lohzia leh tihchhin pawizia te, ruihhlo ti ṭhinte chu ruihhlo ti ve ngailote nena khaikhinin an dinhmun a hniam ṭhinzia te sawiin, zirlaite chu ruihhlo tichhin lo turin a chah a ni.

SṬP hian Serchhip khaw-pui chhunga High School chin chung lam tam zawkah Awareness Campaign hi an nei tawh a, Govt. High School, Serchhip leh Chhiah-tlanga Govt. High School leh Higher Secondary School tih loh school dangah chuan Awareness Campaign hi an nei vek tawh a, karleh khian Awareness Campaign hi neih zawhfel tumin an inbuatsaih a ni.