Thenzawl Zone Football Association (TZFA)-in Serchhip Constitency huam chhunga Village Council Wise-a MLA Cup Football tournament buatsaih an tum.
TZFA President Liantluanga Renthlei chuan kumin October thlaa neih turin, champion Team-in lawmman cheng nuai khat an dawn theihna tur Serchhip MLA Constituency VC Wise-a khelh tur, MLA Cup buatsaih tumin ruahmanna an kalpui mek tih hi a sawi a ni.
TZFA hian an huam chhunga YMA Branch hrang hrang tana an buatsaih Independence Day Football Tournament 2022 chu vawiin chawhnu dar 2 hian Final khelh a ni dawn a, MSSC Secretary John |anpuia chuan khuallian niin, a telpui dawn a, he tour-nament-ah hian Thenzawl khawchhung YMA Branch 9 atanga team 11 an tel bakah Kanghmun South, Zote South, Buangpui leh Neihloh Branch YMA team-te an tel a, final-ah hian Thenzawl Field Veng Branch ‘A’ leh Neihloh Branch YMA-te an inkhel dawn a, final hi August ni 15-a khelh tura ruahman ni mahse, tuitla an neih avangin an ruahman angin an kal thei ta lo a ni.
TZFA hian I-Day Tournament zawh hian Affiliated Club tan Tournament siam zui lehnghal an tum bawk a ni.