Inrinni zan Spanish La Liga-ah Barcelona chuan player 10-a khel Elche chu 3-0-in an hneh.
He match-ah hian kumin nipuia an lakluh Roberto Lewandowski chuan goal 2 a thun a, heti hian Barca tana match 8 a khelh tawh aṭangin goal 11 a thun ta a, Barca goal khat dang hi Memphis Depay thun a ni.
Elche captain Gonzalo Verdu chu minute 14-naah Lewandowski a pawh tluk vangin hnawhchhuah a ni a, Barca goal hi hemi hnua lut vek hi a ni.
Heti hian khelh 6 an khelh aṭanga point 16 neiin Barca chu Table-ah a chung berah an awm a, an hnuai chiahah hian khelh 5 aṭanga point 15 nei Real Madrid awmin, anni hian nizan khan Atletico Madrid an hmachhawn a ni.