No. SDCA/SCP/2022/03 Dated 30th August, 2022
Serchhip District Consumer Association te chuan tunhnaiah Aadhaar data mandatory update ngai leh invalid avangin mi tam takin harsatna(Ration lak chungchangah leh Golden Card siamna, Scholarship dilnaah te) kan tawk tih kan hriatin pawi kan ti hle mai a. Aadhaar card tel lova Ration lak theih anih tawh loh avangin mi tam tak ten harsatna kan tawk tih kan hriatin hemi mipui te harsatna tikiang turin theihtawp chhuahin thuneitute dawrin hma kan la mek a ni.
Aadhaar card hi naupang tan kum 5 leh kum 15 an tlinah update ngei ngei a ngai a, hemi an tilo anih chuan an aadhaar no kha hman theihloh(inactive) in a awm thin a ni. Hemi anih avang hian mipui te chu naupang kum 5 leh 15 tling tawh Aadhaar la update lo te chuan enrollment centre ah a rang lama update turin kan inngen a, update nan hian pawisa chawi ngai a awm lo a, a FREE vek a ni. Hemi update anih loh chuan an aadhaar card hi hman theih lohin a awm thin a, hei vang hian Ration buhfai, Golden Card, Scholarship etc ah te harsatna a awm thei a ni. Chuvang chuan Aadhaar Card update ngai zawng zawng te chu update vek turin kan inngen a ni.
Tin, Ration Buhfai hi Food Security hman hnuah hian thla khat chhung sem tur a ni a, thla khat chhungin kan Quota hi kan la thei a ni. Hemi chungchangah mipuiten harsatna kan tawk anih chuan Supply Department hotute emaw, Consumer hruaitute hnenah hriattir tur a ni e.
Issued by Serchhip District Consumer Association