MHIP Gen. Hqrs. president Ngurmawii Sailo chuan tunlai khawvel hma-sawnna sang zelah social media hmanthiam leh, incheina kawnga hmeichhia-te fimkhur a ṭul tih sawiin, hmeichhe saruak thlalak pholante social media-ah hmuh tur a awm ta chu pawi a tih thu sawiin, “Saruak thlalak nena social media-a inpholang ṭhin zawng zawngte sim turin MHIP hmingin ka ngen a ni,” a ti
He thu hi nimina Ramlai Block Conference Vawi 7-na, Thenzawl East VC House-a neih a hmanpui-naah a sawi a, Ramlai Block MHIP President B.Lalengmawii kaihhruaiah hian Ngurmawii Sailo chuan, hmeichhiate chuan an pawi-mawhna an hriat thar zel a ṭul tih sawiin, chhungkua kal pelin khawtlang a siamṭhat theih loh tih hriat a pawi-mawh tih a sawi a, kawng hrang hranga Mizo Hmei-chhia, Nu, MHIP-ten ṭan an lak tharna turte a sawi bawk.
Ramlai Block MHIP hian Mizo Hmeichhe zinga Padma Shri dawngtu, MHIP Hruaitu hlun B.Sangkhumi hnenah chawimawina an hlan a, B.Sangkhum leh MHIP Sub-Hqrs, Serchhip President Pianthangi-ten thu an sawi bawk a, chawhnu lamah rorel Inkhawm neiin, kum 2022-2024 chhunga hruaitu thar thlanna an nei bawk.
Ramlai Block MHIP huamchhungah hian Thenzawl leh a chhevel khuaa MHIP Branch 15 an awm a ni.