US Open hmeichhe lamah world number one Iga Swiatek chuan Grand Slam title pahnihna lak tuma a beihnaah semi-final a thleng.
Kum 21 mi, Swiatek hian Jessica Pegula chu quarter-final-ah 6-3, 7-6 (7-4)-a hnehin semi-final hi a thleng a, semi-final-ah hian Aryna Sabalenka a hmachhawn dawn a, tukin dar 5:45 hian semi-final hi an khel dawn a, Sabalenka hian semi-final thleng tur hian 22nd seed Karolina Pliskova chu 6-1, 7-6 (7-4)-in quarter-final-ah hian a hneh a ni.
Semi-final lehlamah Wimbledon runner-up Ons Jabeur leh Caroline Garcia-te an inkhel dawn a, anni hi tukin dar 4:30 hian an inkhel dawn a, semi-final-a a chak zawk ve ve hian Pathianni zing lam (Inrinni zan) dar 1:30-ah final an khel dawn a ni.