Zothlifim Logo
Loading ...

Mizoram sawrkarin ama puala chhiah aṭanga a sum thawhchhuah chu kum 5 chhungin chawhrualin kumtin za zela 12.56 zela pung ang a ni.

Mizoram Finance Com-mission 2-na chuan nimin khan tualchhung inrelbawl-na atana state sawrkar sum thawhchhuah hmanga ṭanpui theih dan tur te, insem dan leh thawhchhuah belh dan tur chungchang sawihona a buatsaih a, he sawihonaah hian kum 2015-16-ah chhiah aṭanga sawrkar sum thawh chhuah State’s Own Tax Revenue chu vaibelchhe 358.42 a ni a, hei hi kum 2020-21-ah chuan vaibel-chhe 647.56 ah pungin chho-in, hemi inkarah a pun dan chu chawhrualin kumtin za zela 12.56-in a pung a. Chhiah ni lo sawrkarin a lakluh (State’s Own Tax Revenue)-a sum lut tam ber chu State Goods & Services Tax niin, hei hi tun kum 2 kalta khan za zela 70 bawr vel a ni a, kum 2015-16 khan chhiah nilo aṭanga sawrkar sum thawhchhuah State’s Own Non Tax Revenue chu vaibelchhe 297.63 a ni a, hei hi kum 2020-21 ah chuan vaibelchhe 561.76 ah pungin chho in hemi inkarah a pun dan chu chawhrualin kumtin za zela 13.55 a ni.

Chhiah aṭanga sawrkar sum thawhchhuah State’s Own Tax Revenue bakah chhiah nilo State Sawrkar sum thawhchhuah State’s Own Non Tax Revenue-a sumte chu tualchhuang inrelbawlnate nen insem theih dan a awm thei em tih te, Autonomous District Council (ADC) pathumte hnena sum an chan tur ruahman kawnga tehfung hman mek chungchang te, Mizorama Municipal body pahnihte tana sum ruahman leh pek kawnga tehfung hman mek chungchang te, Village Council, Urban Local Bodies (local council) leh ADC-ten tuna sum hnar an neih bak, sum hnar dang chhiah emaw chhiah nilo emaw aṭanga sum an thawhchhuah theih dan kawngte bakah state sawrkarin chhiah nilo non tax revenue aṭangin sum thawhchhuah belh a nei theih dan kawngte chu zau taka sawiho ni.