Mizoram State Election Commission (SEC) chuan Chakma Autonomous District Council (CADC) inthlanpui vote thlak hun atan May ni 9 a ruat.

SEC-in ruahmanna a siam ang chuan member 20 awmna CADC inthlanpui chuh tumte tan tun thla ni 24 tlai dar 3 thleng hming a pek luh theih a, hming pek luhte chu ni 25-ah endik a ni ang a, inhnukdawk duh tan ni 27 chhun dar 12 thleng hun hawn a ni a. Mipuiin May ni 9 zing dar 7 atanga tlai dar 5 inkarah vote an thlak ang a, vote thlak nawn ngai a awm chuan May ni 10-ah Vote thlak that a ni ang a, vote tlate hi May ni 11-ah Chawngteah chhiar a ni ang.

CADC inthlanpui hun puan a nih tak vang hian Model Code of Conduct chu CADC huam chhungah hman ṭan nghal a ni a, Lawngtlai District Deputy Commissioner chu District Election Officer leh Returning Officer atan ruat a ni a, Lawngtlai District Additional Deputy Commissioner chu Assistant District Election Officer atan ruat a ni a, SDO (Civil), Chawngte chu Assistant Returning Officer atan ruat a ni bawk.