Arsenal manager Mikel Arteta chuan zaninah table-a a sang pahnih Manchester City nen an inkhelh tur chu Premier League title la tur a tihchian dawn loh thu a sawi.
League hmahruaitu Arsenal hian anni aia point 5-a hniam Manchester City hi zaninah Etihad Stadium-ah an luhkhung dawn a, Arsenal hian a zawna match 3 an tumpuite an draw hnuah tunah hian City hian match 2-in an khel tlem zawk a, zanina Arsenal an chak lo a nih chuan City hian Arsenal lehpelna chance ṭha tak an nei thei dawn a ni.
Arteta chuan, “Etihad-ah kan kal lenglut dawn a, a harsa dawn tih kan hria, mahse hei hi tun season atana thlutlukna a ni ang maw? A ni lo ang,” tiin a sawi a, “League hnehna kan chang a nih pawhin league-ah hnehna kan chang tihna a ni lo a, game 5 khirh tak khelh tur a la awm a ni,” tiin a sawi.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117