Mizoram State Sports Council leh Serchhip District Football Association tangdun chuan Serchhip District chhunga Football Grassroots Centre 5 – Serchhip, N.Vanlaiphai, Chhiahtlang, E.Lungdar leh Thenzawl centre-te tan Football Tournament – District Level PMJVK Football Challenge, Serchhip District an buatsaih chu nimin khan Serchhip Sports Complex-ah khelh ṭan niin, vawiinah zawhfel a ni ang.

Nimin inkhel hmasa berah Serchhip-in 1-0-in N.Vanlaiphai an hneh a, Chhiahtlangin 2-1-in Thenzawl an hneh a, E.Lungdar leh N.Vanlaiphai-te 2-2-in an in-draw a, Thenzawlin 2-1-in Serchhip an hneh a, Chhiahtlang-in 3-1-in E.Lungdar an hneh bawk a, tournament hi round robin leage-a khelin champion hi zawn a ni dawn a, champion team hian Inter-District Championship-ah Serchhip District ai an awh dawn a ni.