@ Chelsea chuan Graham Potter an bân hnua an boss nghet thar tur an zawnna kal zelah Bayern Munich manager hlui Julian Nagelsmann chu an hmu. (Times)
@ Spain boss hlui Luis Enrique chuan Chelsea-in Champions League quarter-final first leg-a Real Madrid an khelh hmaa manager atana an dah lo chu a lawm lo hle a, mahse he hna thawk tura rinkai ber a ni a, a chhan chu Barcelona atanga Spain midfielder kum 18 mi, Gavi lakluhna kawnga a ṭangkai dawn vang a ni. (AS)
@ Real Madrid chuan kum 2024 nipuiah Manchester City striker Erling Haaland, 21, chu a contract-a lakchhuah theihna awm chu hman ṭangkai an duh. (Fichajes)
@ Arsenal chuan Juventus striker kum 23 mi, Dusan Vlahovic chu lakluh an tum a, an lalut thei lo a nih chuan Everton forward Dominic Calvert-Lewin, 26, chu an duhthlan leh tur atan an dah nghal. (Football Insider)
@ England midfielder Jude Bellingham, 19, chuan kumin nipuia insawn chhuah ai chuan kum 2024-a a hmalam hun tur zirchiang leh phawt turin Borussia Dortmund-a la châm rih a duh. (Times)
@ Liverpool striker hlui, Robbie Fowler chuan Reds tan kumin nipuia Bellingham leina atana sum tam tak hman ai chuan midfield lama lian taka insiamṭhat an mamawh zawk niin a ngai. (Mirror)
@ German midfielder Toni Kroos chuan Real Madrid-a season dang awm chhunzawm zel a la tum a, kum 33 mi hian Spanish club-a a contract pawhsei remti turin a inpeih tawh a ni. (Marca)