Zothlifim Logo
Loading ...

Nimin khan Mizoramin MNREGA Scheme-a kalpui dan zirchiang tura lo kal Pu AK Sai J Saravanan Kumar, DRDA Minister, Puducherry leh a team-te chuan Rural Development Minister Lalruatkima chu Aijal Club-ah kawmin, Mizoramin MGNREGA Scheme-a kalpui dan zirhonna an nei nghal.

Lalruatkima chuan Mizoramin hlawhtling taka MGNREGA Scheme-a kalpui theih chhan ber chu Deparment thawktute inpekna, thawhrimna leh beneficiary-te aṭanga ṭawiawmna ṭha tak a awm vang a ni, a ti a, Mizoram chu India ramah pawh MGNREGA kalpui ṭha ber te zing a mi a nih thu tarlangin lawmman pawh Mizoram chuan a lo lak fo tawh thu a tarlang a ni.

AK Sai J Saravanan chuan Mizoramin MGNREGA a kalpui dan ṭha tak takte chu Puducherry-ah pawh hman ve ngei a nih theih nan theihtawp a chhuah tur thu a sawi a ni.

Zirhona aṭanga a lan danin tun dinhmunah MGNREGA chu Mizoram khua (gram panchayat) 866-ah kalpui mek ani a, job card 2,14,384 pek chhuah tawh niin; MGNREGA hnuaia inhlawh thin mi 2,29,685 an awm mek a, MGNREGA hnuaiah hna 18,945 tan tawh niin heng zinga hna 13,887 chu zawh tawh a ni a, hnathawh zawh tawh zat hi za zela 73.3 a ni.