Zothlifim Logo
Loading ...


Rajya Sabha member K.Vanlalvena chuan nimin khan Prime Minister Narendra Modi hnenah memorandum thehlutin Manipura thil thlengte chhuitu tur Christian MP te telna Joint Parliamentary Team din turin a ngen.


MP chuan tun thla ni 2 aṭanga tun thlengin Manipur-ah Christian biak in 42 aia tlem lo tihchhiat a nih tawh thu leh heng zingah hian Tribal Christian-te biak in bakah Meitei Christian biak in pawh 6 lai tihchhiat a nih thu Prime Minister hi a hriattir a, Manipur buaina hi Meitei leh tlangmite intihbuaina ringawt a ni lo tih hei hian a tifiah hle a, Manipur a\anga Christian-te ûm chhuah tum an awm tih chu hriatchian a ni tih sawiin, hei hian India constitution lungphum pawimawh pakhat sawi nghinna a ni a ti.
Prime Minister hnenaa thu thehluhah chuan May ni 5 zanah Assam Rifles duty ten Churachandpur-ah Civil mi pawisawi lo hmeichhe 3 leh mipa 1 an kahhlum thu a tarlang a, heng thil ṭha lo chi hrang hrang titute hi chhui-chhuaha hrem an nih theih-na turin Christian MP-te telna Joint Parliamentary team din ngei ni se a ti a ni.