Nimin khan Lal Thanhawla Auditorium, Congress Bhavan-ah MPCC Executive Meeting neih a ni a, MPCC Treasurer Zodintluanga Ralte-in banna a thehluh chu, May 1, 2023 a President nena Press Conference an lo neih tawh angin lungrual takin an pawm a, an treasurer thar tur chu Elected OB kutah an dah.
MPCC Vice President Lal Thanzara chuan meeting hi a kaihruai a, MPCC Executive Meeting hian April 21, 2023 a MPCC Treasurer Zodintluanga Ralte-in banna a thehluh chu, May 1, 2023 a President nena Press Conference an lo neih tawh angin lungrual takin a pawm a. Treasurer thar ruat chungchanga thuneihna chu Elected OB-te kutah a hlan bawk.
MPCC Executive Meeting chuan hetiang hian Resolution a siam, Dr. Lallianchhunga, Chairman, Media Department-in a put luh – “Pu Lalsawta’n Mizoram Pradesh Congress Committee (MPCC) a kaihhruai dan hi tha kan tiin kan ring tawk a. Mizoram tana a hmathlir leh a kaihhruai tum dan hi Congress Party tan chauh pawh ni lo, Mizoram tana tha, dinchhuah pui tham niah kan ngai a ni. Chuvangin, Sawrkar Tha siam tura Pu Lalsawta kaihhruaina hnuaia lungrual taka hmalak zel nise kan ti,” chu an pawm a ni.