Nimin chawhnu khan sawrkar thuchhuak anga vawi khat hman plastic (single use plastic) tihrem a nih theih nana hma la tur ‘Enforcement Squad for Implementation of Thickness Restriction on plastic carry bags and Ban on identified single use plastic items within Kolasib distrcit’-te chuan nimin khan District Urban Development Officer, Kolasib kaihhruainain Kolasib khaw chhung a dawr hrang hrang endikin an kal chhuak a.
He endiknaah hian sawrkar khap vawi khat hman plastic engemaw zah man niin, plastic-in ram leilung a tihchhiat dan te, hmanraw ṭawih thei/hma chia siam ip hman uar intihhmuh leh hman nawn theih buangrua tam thei ang ber hmang tur a inzirtirnate neih nghal a ni bawk.
Kolasib district Enforcement Squad-ah hian DC Office, SP Office, Divisional Forest Office, PHED, DIPRO, Commerce & Industries, Joint Village Council leh Sub Headquarters YMA, Kolasib aiawhte an tel a. DUDO pisaah \hutkhawmna neiin, Lalmuanpuia, District Urban Development Officer chuan Enforcement Squad-te chu sawrkarin vawi khat hman plastic khapna kawnga a thuchhuah kengkawhtu an nih piah lam ah ram leilung hausakna humhalh nan plastic that lohna leh plastic thlakna tur thil dang hmang uar tur a mipui zirtir kawnga mawhphurna pawimawh tak an neih thu a sawi.
Nimin khan Enforcement Squad-te chu pawl 3-ah in\henin New Diakkawn, Diakkawn, College Veng, Venglai, Bangla kawn leh Hmar vengahte an kal chhuak a. December 2022 khan Kolasib khaw chhungah endikna lo neih tawh niin hemi \um pawh hian dawrkaite hnen ah zirtirna pek a lo ni tawh bawk a ni. Nimina hmalaknate thlirlet hnuah Enforcement Squad-te hian Kolasib khaw chhunga hmun laili lai ahte endikna hi kalpui chhunzawm leh tur a ruahman a ni.