Zothlifim Logo
Loading ...

Bawngchawm tlanga Paraglyding hmunhma chhak tlanga kel vulhna hmuna in pakhat chu nizan hmasa khan bungrua engmah chuh hman lohin a kâng ral.

He in hi Serchhip Livestock Farmers Cooerative Society-te kel enkawltu chênna in a ni a, a kan chhan hriat a ni lo a, hâl luih a ni nge, in chhung mei chhemna atanga kâng tih a hriat rih loh a, a kan chhan hi hriatchhuah a nih theih nana chhui chiang turin Police hnenah FIR thehluh a ni.

Thudawn danin, in hi kel enkawltu awm loh lai, kawngka pawh tala-a kalhfel veka a awm lai a ni a, in kan tlai lamah hian helai hmunah hian nula tlangval leng khawthawng hmuh an ni a, kel enkawltu chuan tute nge an nih erawh a hre lo a ni.

He in hi a chung rangva, a ruhrel thing, a bang leh a chhuat dap a ni a, in kangah hian in chhunga bungraw chi hrang hrang chaw ei dawhkan plastic leh thutthleng 20, hel lian leh a tê 8, thleng 30, Thingpui in no 30 bakah in hnuaia Thingzai dah that cubic 30-te a tel a, bungraw kâng chhe hlut zawng hi Rs.2,50,000 hû vel nia chhût a ni.