Zothlifim Logo
Loading ...

Mizoram Board of School Education chuan nimin khan High School Leaving Certificate (HSLC) Examination 2023 result a tichhuak a, zirlai exam hmachhawn zawng zawng 18,561 (17,417) zinga 13,618-in pass-in, pass zat hi za-a 73.37 a ni a, nikum khan pass percentage hi 71.14% a ni.

Nimina HSLC 2024 result tihchhuah takah hian Lalmoipuia Lawmzual, St. Paul’s HSS Aizawl chuan full mark 500-ah mark 485 hmuin pakhatna a ni a, kuminah hian top 10-ah mi 14 an lang a, nikum lamah pawh khan top 10-ah mi 17 an lang a, kumina top 10-a lang zinga mi 8-te chu hmeichhia an ni.

Kumin HSLC examination-ah hian exam hmachhawn zirlai 18,561 zinga 18,213 chu regular student niin, 348 chu private-a exam an ni a, regular-a exam zingah 13,477 (73.99%) pass-in, private candidate 348 zingah 141 (40.53%) an pass bawk a, zirlai pass zawng zawng zingah mipa 6,437 (74.38%) leh hmeichhia 7,181 (72.48%) an ni a, pass percentage ah mipa an sang zawk a ni.

Distinction-ah zirlai 1,332 (mipa 597 leh hmeichhia 738) an pass a, I division-ah zirlai 3,801 (mipa 1,655 leh hmeichhia 2,146) an pass a, II division-ah zirlai 5,564 (mipa 2,552 leh hmeichhia 3,012) pass-in, III division-ah zirlai 2,921 (mipa 1,636 leh hmeichhia 1,285) an pass bawk a, Compartmental chance nei zirlai 106 awmin, zirlai 4,837 an fail a ni.

Zirlai exam zawng zawng pass vekna school 85 awmin, nikum khan 107 an awm a, pass awm miah lohna school 18 an awm a, nikum khan 14 an awm. Serchhip District chhungah pass vekna school 2 an awm a, nikum khan 8 an awm a, pass awm miah lohna school pakhat – Rullam High School a awm a, nikum khan Serchhip District-ah fail vekna school a awm lo a ni.

Tunhnai kuma HSLC examination a pass dan chu – kumin (2024)-ah 73.37%, 2023-ah 71.14%, 2022-ah 70.64%, 2021-ah 82.43%, 2020-ah 68.33%, 2019-ah 67.93%, 2018-ah 76.65%, 2017-ah 72.17%, 2016-ah 71.17%, 2015-ah 68.30%, 2014-ah 67.51%, 2013-ah 58.63% leh 2012-ah 72.27% a ni.

Kuminah hian sawrkar School atanga exam zirlai 6452 zingah 4083 (63.28%) an pass a, nikum khan 57.71% an pass a, Deficit School atanga zirlai exam 1273 zinga 1161 (91.2%) pass-in, Aided School atanga exam zirlai 2631 zingah 1746 (66.36%) an pass a, Lumpsum School atanga exam zirlai 591 zinga 440 (74.45%) an pass a, private school atanga exam zirlai 7266 zinga 6047 (83.22%) an pass a, private candidate 348 zinga 141 (33.95%) an pass bawk.

Serchhip District bikah kuminah exam beitu regular candidate 915 leh private zirlai 15, an vaiin 930 an awm a, heng zinga 702 (75.48%) an pass a, private candidate bikah 3 chiah pass-in, third-ah an pass vek a, pass percentage hi 20% niin, regular candidate-ah Distinction-ah 53, First-ah 183, Second-ah 307 leh third-ah 156 an pass a, pass percentage hi 76.39% a ni a, nikum (2023) khan Serchhip District-ah zirlai exam (regular leh private) 1055 zingah 776 (D-44, I-183, II-312, III-255) an pass a, pass percen-tage hi 75.26% a ni a, kum 2022-ah 73.22% an pass a, 2021-ah 86.73 an pass a ni.


Serchhip District-a za-a 100 pass-na school 2 an awm a, chu’ngte chu:
* Marian High School, Serchhip (D-20, I-35, II-15, III-0, Total-70)
* Lungchhuan High School, Lungchhuan (D-0, I-1, II-0, III-7, Total-8)