Presbyterian Kohhran New Serchhip Pastor Bial huaihawtin Inrinni khan New Serchhip Ruihhlo Do Pawl Committee din a ni.

Kumina New Serchhip Pastor Bial Inkhawmpui thu-rel bawhzuiin Bial Standing Committee chuan Inrinni khan an huamchhunga Presbyterian kohhran hrang hrang bakah kohhran pawl dang zawng zawng te, New Serchhip North leh South VC leh tlawmngai pawl (YMA, MHIP leh MUP) branch hrang hrang aiawhte chu Ruihhlo Do chungchang sawiho tura sawm khâwmin, Kohhran hrang hrang leh VC leh Tlawmngai Pawl hrang hrang aiawh mi 100 chuang zet an kal khawm a, heta kalkhawmte hian New Serchhip VC pahnih (North leh South) huam chhung bakah, Chhiahtlang VC huam chhunga awm, New Serchhip Pastor Bial huam chhunga awm si Bukpui huam tela ruihhlo do kawnga hma latu tur, New Serchhip Ruihhlo Do Pawl Committee dinin, hruaitu tur pawh pawl hrang hrang atangin an inruat nghal a ni.

New Serchhip Ruihhlo Do Pawl Committee hruaitu atan hian Chairman-ah Serchhip Sub-Hqrs, YMA president hlui, R.Sanghmingthanga, Chhekhnai Branch YMA ruat a ni a, Vice Chairman-ah Rengliana, VCP New Serchhip South leh C.Lalrotluanga, VCP, New Serchhip North-te ruat an ni a, Secretary-ah H.Lal-hnehzauva, New Serchhip Bazar Branch YMA; Asst. Secretary-ah Ramtharmawia, VC Secretary, New Serchhip North; Treasurer-ah Rualzakhuma, President, MUP New Serchhip North Branch leh Fin. Secretary-ah F.Lalhmunthangi, MHIP New Serchhip Venglai Branch-te ruat an ni.