Tunhnaia Chhiahtlang leh Baktawng khua vawk thite chu an sample endikna atangin African Swine Fever (ASF) vanga thi an ni tih finfiah a nih hnuah nimin (21.6.2024) khan heng khuate hi ASF hri lenna hmun Infected Area-ah puan an ni.
Nimin khan Dr. H.Van-lalrawna, District AH & Vety Officer, Serchhip District chuan hemi chung-changah hian hriattirna tichhuakin, he hri a darh zel loh nan The Prevention & Control of Infectious and Contagious Disease in Animal Act 2009, Section 20 Sub-section 1-in thuneihna a pek angin, hri len mekna hmun Chhiahtlang leh Bak-tawng khuate chu Infected Area-ah a puang ta a ni.
Infected Area a\anga vawk, vawksa leh vawksa atanga thil siam reng reng lakchhuah emaw, lakluh khap a nih thu a tarlang a, vawk thi reng reng paih mai lo a, chinai/disinfectant nen thûk taka phûm ngei tur a nih thu te, vawk talh leh vawksa zawrh khap a nih thu te, vawk thi an awmin, AH & Vety Department official-te hnena hriattir vat tur a nih thute a tarlang.
May ni 9 khan Khumtung khua chu Infected area-a puan a nih hnuah May ni 15 khan Chhingchhip khua chu puan a ni leh a, tun thla ni 18 khan N.Vanlaiphai leh Keitum te chu Vawk hri lenna hmunah puan lo ni tawh bawk a, heti hian tun dinhmunah Serchhip District-a khaw paruk te chu Vawk hri lenna hmunah puan mek a ni.