Govt. Serchhip College Students’ Union chuan an college-a zirtirtu indaih lohna department-a zirtirtu dah belh phuta nimin atanga ni 3 chhung Badge dum bel chunga class kal an tum chu sawrkarin zirtirtu pathum a pêk belh tak avangin an thulh rih.
GSC SU hian an phut ang zawng zawng tihhlawhtlin la ni lo mahse sawrkarin an ngenna ngai pawimawha zirtirtu a dahbelh sak chu lawmawm an tih thu sawiin, an College-a zirtirtu indaih lohna Department hrang hrangah zirtirtu dahbelh sak an nih tak avangin lungawilohna lantirna atana nimin atanga Badge dum bel an tum chu an thulh rih tih an sawi a, hetihlai hian Department danga zirtirtu an indaih lohnate pawh sawrkarin hma lak saka a hnawhkhahsak thuai an ringin an beisei tlat tih an sawi a, sawrkar hmalakna pawh uluk takin an thlir zui reng dawn tih an sawi bawk.