District Project Office, Samagra Shiksha, Serchhip District chuan nimin khan Rashtriya Avishkar Abhiyan (RAA) hnuaiah District Level High School Quiz Competition a buatsaih a, Govt. Chhiahtlang High School pakhatna an ni.
He District Level High School Competition hi Melody L. Betlu, SDEO & Dy.DPC(E) Samagra Shiksha, Serchhip District chuan a hawng a, hawnna thu a sawinaah, Melody L.Betlu chuan Quiz buatsaih a nih dante sawiin, Quiz Competition-a tel zirlai leh zirtirtu kalkhawmte hnenah lawmthu a sawi bawk.
He intihsiakna hi Mathematics, Science leh General Knowledge atangin neih a ni a, pakhatna chu Govt. Chhiahtlang High School niin, pahnihna chu Govt. JM High School, Serchhip leh Pathumna chu Govt. Bungtlang High School an ni a, lawmman pawisafai leh certificate an dawng theuh a, hei bakah hian he intihsiaka tel zawng zawngte hnenah consolation prize pawisafai pek vek an ni bawk.