Lawmsangzuala S/o Lalremruata, New Serchhip Bazar Veng chu Indian Super League club Jamshedpur FC senior team-a khel turin lakluh a ni.
July ni 20, 2025-a kum 17 pum ve chiah Lawmsangzuala, Mama tia koh thin hi ft 5.8-a sang niin, Jamshedpur FC Under-17 team-ah hlawhtling taka a khelh hnuah senior team-a khel turin koh a ni a, Durand Cup 2025 khel tur Jamshedpur Squad-ah dah tel nghal a ni.
Mama hi attacking midfielder leh striker angin a khel thei ve ve a, Jamshedpurd FC youth team innghahna a ni thin a, tunhnaiah pawh khan Reliance Foundation Development League (RFDL) 2024-25-ah goal 16 thunin top scorer a ni nghe nghe a ni.
Mama hian Jamshedpur Senior team-ah hian Mizo tlangval dang, Daniel Lalhlimpuia leh C Lalhriatpuia-te nen an khelho dawn a ni.