Lalfakzuala Pautu S/o Zachhunga, Serchhip Field Veng, Durtlang Leitana khawsa mek chuan Mizoram a natna lâr berte zinga mi, rannung seh natna tia sawi ṭhin, Scrub typhus natna zirchianna a neih aṭangin Ph.D degree a hmu.
Dr. Vanramliana, Associate Professor, Department of life Science, Pachhunga University College kaihhruaina hnuaiah research hi a bei a, a thesis thupui chu “Epidemiological Study and Vector Identification of Scrub typhus Disease in Mizoram, Northeast India” tih a ni a, he a zirchiannaah hian, Mizoram chhunga rannung seh natna hrilen dan chungchang, khawi hmunahte nge a tam a, eng hnathawkin nge vei tam ber, kum engzatin nge vei tam a, eng hunlaiin nge he natna hi a hluar bik tih te, a natna lanchhuah dan te, mi engzatin nge thihpui tihte a zirchiang a, Mizorama he natna hrik thehdarhtu rannung hmuhchhuahna leh nemnghehna PCR khawl hmangin a nei bawk a ni.
Lalfakzuala Pautu hi Pachhunga University College (Mizoram University) aṭanga full time Ph.D degree zir chhuak hmasa ber a ni a, a research neihna field-ah pawh hian Mizorama a hmasa ber nia hriat a ni a, Mizoram sawrkara Health & Family Welfare Department hnuaiah Entomologist hna thawk mek a, Scientific research paper pawh Journal ṭha tak tak (scopus index journal)-ah te, 20 lai a lo publish tawh bawk a ni.