Kawng chhia avanga tank lorry-te an tlan theih rih loh avangin Serchhip District huam chhunga tuialhthei chhek khawm a khaihlak loh nan, Serchhip District Bawrhsap Paul L Khuma chuan khuahkhirh-na thupek a tichhuak.
Thupeka tihchhuahah chuan tuialhthei pek chhuah dan tur hi
Scooty/Scooter- 2 Lits.
2-Wheeler dang leh Auto-Rickshaw – 4 Lits.
LMV – 10 Lits,
Sumo/pickup/ 407/Gypsy/Medium truck – 20 Lits.
Truck – 40 Lits.
Buhfai / Essential commodities phur truck-te chu an Challan enin an kalna tur kal leh haw lam daih pek tur a ni.
Filling Station-ten an pek chhuah tur aia tam an pe tur a ni lo a, a hmuna kalte chauh pek tur niin, Bur, Gallon/Barrel a dawh phal a ni lo tih a tarlang.
He thupek hi thu leh awin hma chuan Legal Metrology Inspector-ten 24×7 chhung an lekkawh ang a, thupek hi harsatna awm thut thei reng laka invenna atana tih a ni a, a ṭul dan anga ennawn leh a nih tur thu a sawi a, Petrol leh Diesel-te hi Dead stock baka control tur chinah chuan dealer/filling station-ten mipuiah hralhchhuak (free sale) tawh lovin, DC aṭanga phalna nei hnenah chauh hralh chhuah a ni ang a, SDO(C) Thenzawl leh N Vanlaiphai awmna (Headquarter) filling station aṭanga Petrol leh HSD lak tumte hnenah (control tur chinah), SDO (C) te phalna neite hnenah chauh hralh chhuah tur a ni bawk ang.