Nimin khan Serchhip District Bawrhsap Paul L.Khuma hoin Serchhip DC Meeting Hall-ah Serchhip District-a PM-DAJGUA kalpui dan thlirlet a ni.
He ṭhutkhawmah hian PM-DAJGUA kalpuitu Department hrang hrang – Rural Development, Health Department, Commerce & Industries, Women & Child Development, Agriculture, Supply, leh LAD-ten Awareness campaign an kalpui dan an tarlang a, June ni 15 aṭanga July ni 15, thla khat chhungin Serchhip District khaw hrang hrangah kal kualin heng Department thawktute hian mipuite ṭangkaipui theih tur scheme leh hmalakna an neihte an hrilh hria a, an hmalak dan leh DAJGUA avanga hmasawnna an neihte an report a ni.
DAJGUA Campaign an neih chhungin scheme hrang hranga inziaklut thar mi engmawzat an awm a, mipuiten an hriat lohte hrilhhriatna hun an neih thu leh hlâwk taka hun hman a nih thu Department hotute hian an sawi a, Scheme hrang hranga inhrilhhriatna saturation camp hi November thla thlenga la neih chhunzawm tur a nih avangin Department tinte an theih ang anga hma lo la chhunzawm tur te, an data leh thlalakte portal-a a hun taka upload zel tur leh, DC office-ah kar tin report thehlut thin turin ngen an ni.