Grand Slam vawi sarih champion tawh Venus Williams chuan thla 16 chhung tennis a khelh loh hnuah, Washington Open hmeichhe doubles last 16-ah hnehna a chang a, a lawm hle.
Kum 45 mi, khawvela number one hlui, he tournament atana wildcard dawngtu hian March 2024-a Miami Open an khelh hnuah a inlan leh ta lo a – a hnehna chan hnuhnun ber chu August 2023-a Cincinnati Open-ah a ni.
Williams-i leh a ṭanpui American mi ve tho Hailey Baptiste-te chuan Eugenie Bouchard leh Clervie Ngounoue te chu 6-3, 6-1 in an hneh a, “Heta inkhelh leh theiha awm hi a phurawm hle a ni,” tiin Williams-i’n Sky Sports a hrilh.
Nizan khan singles inelna first round-ah American mi dang, Peyton Stearns a hmachhawn leh ang.