Wrestling legend Hulk Hogan chu vawiin (Ningani) khan Florida-ah a boral a, kum 71 mi a ni.
The Sun-in a tarlan dan chuan Hogan hi tukin (Ningani) khan a chenna Florida-a Clearwater home-ah thi-a hmuh a ni a, lungphu chawla boral niin sawi a ni.
Hulk Hogan hi Wresling ngainatute Wrestler hriatlâr ber pawl a nih a rinawm a, kum 1980 khan, professional wresler ni turin khatihlaia WWF an tih-ah khan a zuang lut a, WWE ‘Hall of Fame’-a dahluh zingah a tel a, WWE title paruk la-in, film leh TV show-ah a inlan a, Pop culture icon niin, a fans tam takte chu Hukamaniacs tih an ni.
Hulk Hogan hi tun hnai kum kalta chhung khan \um engemawzat zai a tawp a, a hnungzâng leh a darte zai a ni a, a khup leh a khel ruhte thlak a ni a, a mit leh a pum lamte pawh enkawl a ni a, thla hmasa mai pawh khan a nghawng leh hnungzângah harsatna neiin, a nghawng hnung lamah zai tenau a nei bawk a ni.