Supreme Court chuan Lunglei-a Mizoram Polytechnic ram luah man thubuai chungchangah thutlukna siamin, chawlhkar 4 chhunga Mizoram Polytechnic ram luah man zawng zawng High Court hnena pe turin Mizoram sawrkar a hriattir.
Mizoram Polytechnic ram luah man, cheng nuai 88.14 Mizoram sawrkarin a bat chungchang thubuai, Guwahati High Court-in condition of delay a dilna, Mizoram sawrkar ukil-ten an hnawlsak, case merit enfiahsak an dilna chu Supreme Court chuan a dik lohna engmah a awmlo tih sawiin, Guwahati High court ukil-ten case merit ennawn an dil ngawrh avanga hearing hun pe leh tura phalsak an nih thu a sawi a, Mizoram sawrkar chu ram luahman ba, a bo a bang awm loa chawlhkar 4 chhunga Guwahati High Court-a pe turin a hriattir a, zaa 25 chu ram neitu hnenah pêk nghal a ni ang a, a bâng zawng chu High Court-in thubuai a rel dan a zira pek tur a ni thung.
Hetihlai hian ram neitu Vanlaldawngliana laka FIR thehluh chu tihtawp zui nghal tur leh man a nihna case kallai chu titawp nghal bawk turin Mizoram sawr-kar chu Court hian a hriattir bawk a, Civil Case a nih angin High Court chuan he thubuai hi a ngaihtuah tha dawn bawk a ni.