Innek buainaah mi 36 thi

Nizan hmasaa Allahabad rel station-a mipui innek buainaa mi 36 an thih avangin Uttar Pradesh Minister Arjun Khan-a chu Kumbh Mela Management Committee Chairman a nihna a\angin a bang.

Khawvela mipui punkhawm tamna ber ni \hin, Hindu Kût pawimawh, Kumbh Mela-a mipui an inchilbuainaah nizan khan Allahabad rel station-ah mi 36 an thi a, midang 39-in hliam an tuar a ni.

Mipui hi Pathianni zan dar 7:30 vel khan rel station-a platform no. 5 leh no. 6-ah an innekbuai \an a, mita hmutute sawi dan chuan platform no. 6-a mite’n rela chuan tuma rel an pan laiin an innekbuai ta a ni.

Sawrkar laipui chuan Allahabad rel station-a innekbuainaa thi chhungte hnenah Prime Minister Relief Fund a\angin  Cheng Nuai 1 \heuh pek a nih tur thu a puang a ni.

Leave a Reply

This site uses Akismet to reduce spam. Learn how your comment data is processed.