Fulham 1-0 Man. Utd.
Inkhel \antir te atangin team pahnihte an innawrtawn nghal pawp pawp a, minute 15 hnu a\ang chuan Manchester United lamin inkhel an thunun ta deuh a, mahse first half-ah goal a lut thei lova, Second half-ah Fulham khelh \hat lai takin minute 79 ah Manchester United chakna goal leh he inkhela goal awm chhun chu Rooney in a thun a ni. He inkhel result avang hian Manchester United chuan match 25 ah point 62 hmu tawhin an hmahruaina chu point 10 a ni ta a, anmahni hnaih bertu Manchester City-in nizana Liverpool an hneh erawh chuan an hmahruaina hi point 7-ah a tla thla leh dawn a ni.
Newcastle 3-2 Chelsea
St James’ Park -ah Newcastle chuan Chelsea an mikhual a, Newcastle hian an mikhual hi 3-2 in an hneh a, Newcastle atangin Gutierrez chuan 41 mins-ah goal hmahruai a khung a, he goal hi second half 55 mins-ah Lampard chuan Chelsea tan a rul a, 1-1 a ni a. 61 mins-ah Mata chuan mawi zetin Chelsea tan a thuai goal a, 2-1 in chelsea hian hma an hruai. Mahse Newcastle player thar Sissoko chuan 68 mins ah Newcastle si phurh a rul a, 90 mins-ah mawi zetin goal a khung leh bawk a. 90 mins-ah Sissoko goal hi Newcastle chakna goal a ni ta. Rafa Benitez hnuaih Chelsea hian hma an sawn lo khawp mai a, an game hnuhnung 3-ah hnehna an chang zo lo a, Inrinni zana an inkhelhnaah hian an Striker lei thar Demba Ba chu Fabricio Coloccini in a hmai-ah a petsak avangin a inhliam zui bawk.
Arsenal 1-0 Stoke
Emirates Stadium-ah Arsenal-in goal an thun thei lawk lova, goal awm chhun hi minute 78-a Substitute a\anga rawn lut Podolski-a’n Free kick a\anga a thun a ni.
Everton 3-3 Aston Villa
Goodison Park-ah Everton chuan Aston Villa an mikhual a, \an a\anga minute 2 lekah Benteke chuan Villa tan goal hmahruai a khung a, mahse he goal hi minute 21-ah Anichebe chuan home team tan a rul a, inute 24-ah Agbonlahor chuan Villa hma a hruaipui leh a. Half time a nih chuan Villa hian 2-1 in hma an hruai a, Second half minute 61-ah Villa hmahruaina belhchhah turin Benteke chuan goal a khung leh a, 3-1 a ni ta. Mahse Fellaini chuan minute 69 leh minute 90-ah te goal khungin 3-3 in an inhnehtawk ta a ni.
Inkhel dang Result
West ham chuan Swansea mikhualin, si khat faiin West Ham hian hnehna an chang a, goal awm chhun hi minute 77-a Carroll tauh goal a ni. Wigan leh Southampton 2-2 in an inhnehtawk bawk a, Minute 25-ah Caldwell chuan Wigan tan goal hmahruai a khung a, he goal hi minute 64ah Lambert chuan The saints tan rulin, minute 85-ah Schneiderlin chuan The Saints hma a hruai pui leh a. Southampton hi an chak tawh dawn emaw tih hnuah Maloney chuan hnai set sawt a\angin Wigan si phurh a rul ta a. 2-2 in an inhnehtawk ta a ni. Reading chuan 2-1 in Sunderland an hneh bawk a, Reading tan Kebe chuan goal hnih a khung a ni.