Zothlifim Logo
Loading ...

Russian club Rubin Kazan chu Champions League leh Europa League khel theia an qualify a nih pawhin season hnih (2) lo awm leh tur chhung chu heng tournament-ah te hian an khel thei lovang.

European football-a thuneitu sang UEFA-in Rubin Kazan chunga he hremna a lak chhan chu financial fair play rules an bawhchhiat vang a ni a, he dân an bawhchhiat hnu hian Russian Premier League club hian UEFA chu inremna (settlement agreement) an siampui a, mahse an inremna hi an bawhchhe leh a nih chuan UEFA hian hmalakna thar a nei zui leh dawn a ni.

Financial Fair Play Rules hi club ten an sum lakluh aia tam sum an hmang tur vênna atana duan a ni a, Settlement agreement-ah hian club te chuan transfer leh squad-a player awm zat tura khuahkhirhna te an pawm tlangpui a ni.
Kum 60 kaltaa din Rubin Kazan hian kum 2003 khan a vawi khatna atan domestic top flight-ah an khel \an a, khata \ang khan division hniama tla tawh lovin, 2008 leh 2009-ah phei chuan Rusian Premier League-ah an champion nghe nghe a, tun hnai season-ah phei chuan European competition-ah regular takin an tel tawh a ni.