Bayern Munich chuan rin loh takin an coach thar atana Vincent Kompany lakluh tumin Burnley chu inbiakna thui tak an neihpui tawh.
Bundesliga club hian Kompany pawh hian anmahni zawm a duh ngei an ring a, club pahnihte hian compensation fee chungchangah pawh inremna an nei tawh a ni.
Kum 38 mi, Kompany hian Clarets-a a backroom staff-te pawh Munich lamah a chhawm zui hmel a, heng zingah hian Wales international hlui Craig Bellamy pawh a tel a ni.
Kar kaltaa anmahni chhuahsantu Thomas Tuchel thlaktu tur an zawnna kawngah Bayern Munich hian harsatna an nei nasa hle a, Tuchel thlaktu atana an duh Bayer Leverkusen boss Xabi Alonso, Germany chief Julian Nagelsmann leh Austria coach ni mek Ralf Rangnick-te chuan an sawmna an lo hnar a, Tuchel chelh zui an tumnaah an hlawhchham bawk a ni.
Kompany hian tun season-ah Burnley chu Premier League-ah inham tânpui zo lo mahse a hna chung-changah nghawng a nei lo a nih hmel.